Oqoltin tumani «Obod» MFY hududida joylashgan 18 va 19-sonli ko‘p qavatli uylar o‘rganilganida shu uylarda istiqomat qiluvchi fuqarolar tomonidan o‘z boshimchalik bilan noqonuniy ravishda ko‘p qavatli uyga tutash hududini o’rab olish va qo‘shimcha bino qurib olish holatlari aniqlandi.
Sirdaryo viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan fuqaro A.Nurashevga tegishli bo‘lgan noqonuniy qurilish yuzasidan bir necha bor ogohlantirilishiga qaramay fuqaro noqonuniy qurilmalarni bartaraf etmaganligi sab inspeksiya tomonidan o‘z boshimchalik bilan qurilgan binolar bartaraf etildi.
Bundan tashqari, fuqaro A.To‘rayevga inspeksiya tomonidan noqonuniy qurilishni o‘z hohishi bilan bartaraf etishi yuzasidan ogohlantirish xati berilgan edi. Biroq fuqaro noqonuniy qurilishni bartaraf etmaganligi sababli Mamuriy javobgarlik to’g’risidagi kodeksning 159-moddasi 3-qismi bilan jami 7.5 mln so‘m miqdorida jarima qo‘llanildi.
Sirdaryo viloyati Qurilish va uy-joy kommunal xo’jaligi bosh boshqarmasi Axborot xizmati
