Mart oyi bayramlarga boy. Avvalo yasharish va yangilanish faslining boshlang’ich oyi bo’lsa, undan so’ng biz uchun qadrli va e’zozli bo’lgan muhtarama opa-singillarimizning ayyomi bo’lmish 8-mart – Xalqaro xotin-qizlar bayrami bahorga yanada ko’tarinkilik baxsh etadi.
Sirdaryo viloyati Qurilish va uy-joy kommunal xo’jaligi bosh boshqarmasida 8-mart – Xalqaro xotin-qizlar bayramini munosib nishonlash maqsadida, jamoadagi ayollarni bayram bilan tabriklab, fahriy yorliq va esdalik sovg’alari topshirildi.
Bundan tashqari boshqarma rahbariyati tomonidan faoliyat yuritayotgan ayol xodimlarga alohida tabrik yo’llab, ularning tengsiz xizmatlarini yana bir bor e’tirof etdilar.
Sirdaryo viloyati Qurilish va uy-joy kommunal xo’jaligi bosh boshqarmasi Axborot xizmati
