Tadbir doirasida jurnalistlar, eng avvalo, yangi qurilayotgan markazlashgan issiqlik qozonxonasi faoliyati bilan yaqindan tanishdilar. Shuningdek, ular massivda barpo etilayotgan ko‘p qavatli uylar qurilishi jarayonlarini ham ko‘zdan kechirdilar.
Ma’lumot uchun, massivda 12 ta ko‘p qavatli uy qurilishi rejalashtirilgan bo‘lib, ularning 4 tasi allaqachon foydalanishga topshirilgan. Qolgan bino va inshootlarda esa qurilish-montaj ishlari davom ettirilmoqda.
Bunyodkorlik ishlari Sirdaryo viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan belgilangan tartibda doimiy nazoratga olingan.
Shuningdek, har bir qurilayotgan ob’yektning seysmik xavfsizligi va zilzilabardoshligini ta’minlash maqsadida mutaxassislar tomonidan texnik o‘rganish va sinov ishlari muntazam olib borilmoqda.
